Sulmohen serverat e policië shqiptare, hakerat synonin…

0
293

Një grup hakerash kanë tentuar ditën e sotme të futen në serverat qëndror të Drejtorisë së Përgjithshme të Shërbimit Çështjet e Brendshme dhe Ankesat (SHÇBA).

Lajmi bëhet me dije nga SHÇBA, e cila në njoftimin zyrtar thotë se specialistët e IT-së kanë mundur të parandalojnë sulmin kibernetik, duke mos lejuar asnjë dëmtim apo rrjedhje informacioni të Shërbimit.

“Në përgjigje të interesit të medias, sqarojmë se specialistët pranë Sektorit të Teknologjisë dhe Informacionit (IT) në Drejtorinë e Përgjithshme të Shërbimit për Çështjet e Brendshme dhe Ankesat (SHÇBA) kanë arritur të parandalojnë një tentativë për sulm kibernetik në serverat qendror të institucionit.

Nga ndërhyrja e shpejtë dhe në kohë është bërë i mundur bllokimi i këtij sulmi duke mos lejuar asnjë dëmtim apo rrjedhje informacioni të Shërbimit. Aktualisht, specialistët e IT po punojnë për rritjen e sigurisë së mëtejshme të të gjitha sistemeve dhe rrjetit të Shërbimit.

Duke falënderuar për mirëkuptimin dhe besimin ndaj SHÇBA, lutemi që për çdo ankesë të telefononi në numrin e gjelbër (pa pagesë) 08009090”, njofton SHÇBA.

Leave A Reply

Please enter your comment!
Please enter your name here