Isha në mëdyshje nëse duhet ta bëja publike, por një nder miliarderet me te medhenj ne bote ka…

0
369

Gazetari Blendi Fevziu ka zbuluar mbrëmjen e djeshme se vendi ynë është mjaft i adhuruar për ushqimin dhe një prej personave që ka vizituar Shkodrën është dhe supermiliarderi Bernard Arnault, i cili renditet mes të 3 të pasurve të botës dhe ka treguar për miqtë e tij se në vendin tonë ka ngrënë ngjalat më të mira të jetës së tij.

“Po them edhe unë një detaj të vogël se isha në mëdyshje ta bëja publike apo jo, nuk i kam marrë leje personit. Një i njohuri im në SHBA, që ka një pozicion relativisht që e mundëson të takojë personazhe të njohur më çoi një fotografi dhe më tha “më fal që të pengoj, dhe më tha shihe nga cili qytet i Shqipërisë vjen kjo foto”. Ishte një foto nga Xhamia Plumbit në Shkodër. Thashë menjëherë është Shkodra, shkurt se nuk kisha kohë për komunikim.

Më thotë kam një person këtu që sa e mori vesh që jam nga Shqipëria më tha thuaji cili është ky qyteti se e kam vizituar nga Mali i Zi dhe kam ngrënë ngjalat më të mira të jetës sime. Personi që më pas më çoi foton ishte Bernard Arnault, president i Louis Vuitton Group që është një nga tre njerëzit më të pasur të globit. Kishte mbërritur në vitin 2019 me një furgon, me një shoqërues shkodran që nuk e kishte marrë vesh se kush ishte, nga Mali i zi.

Kishte vizituar xhaminë e plumbit, qendrën e Shkodrës, Kalanë e Shkodrës dhe kishte ngrënë drekë në një vend që ishte në lumë dhe kishte përballë kalanë përballë. Kishte ngrënë ngjalat më të mira të jetës së tij. Nuk e kujtonte emrin e qytetit, por kishte qenë në Shqipëri dhe prandaj donte të gjente vendin që kishte vizituar.”, tregoi Fevziu.

Leave A Reply

Please enter your comment!
Please enter your name here