Zyrtarisht në vjeshtë, ulje temperaturash dhe reshje shiu në disa zona gjatë javës

0
21


Zyrtarisht në vjeshtë! Kushte të paqëndrueshme atmosferike kanë përfshirë të gjithë territorin shqiptar.

Duke bërë që vranësirat të jenë të pranishme që në orët e para të mëngjesit, më të dendura në zonat malore duke sjellë reshje të pakta shiu.

Sipas Meteoalb, edhe dita e nesërme mbetet nën ndikimin e vranësirave të dendura duke rrezikuar reshje shiu kryesisht në zonat veriore dhe pjesërisht te ato qendrore.

“Dita e mërkurë dhe e enjte intensifikon vranësira duke sjellë shira, ku herë pas here do të ketë edhe rrebeshe në pjesën më të madhe të territorit të vendit. E premtja dhe fundjava do të sjellin pauzë të reshjeve duke i izoluar reshjet vetëm në zonat malore.

Për sa i përket temperaturave për sot dhe nesër mbetemi në ato të larta ku minimalja është 13 gradë në zonat juglindore dhe maksimalja shkon deri në 30 gradë. Pritet që deri nga e mërkura të kemi rënie të temperaturave, duke kulmuar të premten dhe në fundjavë ku do të kemi rënie të ndjeshme ku në zonat malore shkon edhe 7 gradë dhe maksimalja nuk shkon më shumë se 25 gradë.

Problematikë mbetet era, duke bërë që shpejtësia të shkojë edhe deri në 50km/h duke sjellë dallgëzim të lartë në brigjet detare,” bën të ditur meteorologia Lajda Porja.

.

LEAVE A REPLY

Please enter your comment!
Please enter your name here